Mbrojtja kundërajrore e Sirisë shkatërron një raketë armiqësore

Mbrojtja ajrore siriane ka perceptuar dhe shkatërruar një raketë që vinte nga Libani verior dhe që ishte lëshuar në drejtim të provincës qendrore Hamah, thonë media shtetërore.

Duke cituar një burim ushtarak pa emër, agjencia zyrtare e lajmeve SANA e Sirisë raportoi se raketa "armiqësore" u shkatërruar të enjten në orën 23:06 me kohën lokale (20:06 GMT) mbi qytetin Masyaf, para se të arrinte objektivin e tij të caktuar. Televizioni shtetëror kishte raportuar më parë një shpërthim masiv pranë Masyaf megjithëse nuk kishte raporte të menjëhershme për dëme ose viktima. Regjimi izraelit vitet e fundit ka pranuar vazhdimisht sulmet e kryera brenda Sirisë dhe disa prej sulmeve të tilla janë kryer nga hapësira ajrore libaneze. Lëvizje të tilla agresive zakonisht konsiderohen si përpjekje për të mbështetur grupet terroriste që pësojnë humbje në operacionet e forcave të qeverisë siriane.  Izraeli po tregohet shumë i kujdesshëm në operacionet e tij mbi Sirinë pasi Rusia pajisi Damaskun me raketa të përparuara sipërfaqe-ajër S-300 në tetor 2018. Sidoqoftë, vendimi i presidentit amerikan Donald Trump për të njohur "sovranitetin e Izraelit" mbi territoret siriane të Golanit, në dukje e ka inkurajuar Tel Avivin për të filluar një agresion të ri mbi vendin arab.