Ras al-Ain: Përleshje midis ushtrisë siriane dhe forcave turke

Agjencia e lajmeve Sana raportoi për përleshje midis ushtrisë siriane dhe forcave turke në periferi të qytetit Ras al-Ain. Sipas raportit, përleshjet ndodhën në një fshat në periferi të Ras al-Ain.

Mediat arabe raportuan se elementë të Ushtrisë së Lirë Siriane gjithashtu ndihmuan forcat turke gjatë përleshjeve. SANA njoftoi se luftimet e rënda shpërthyen të shtunën pasdite kur forcat turke dhe mercenarët e tyre filluan një sulm kundër fshatit Um Shuaifeh afër kufirit me Turqinë. Raporti shtoi se në luftime u përdorën armë të rënda dhe të mesme, duke vënë në dukje se trupat e ushtrisë siriane më në fund arritën të çlirojnë fshatin dhe të vendosin kontroll të plotë mbi të. Ata i detyruan forcat turke dhe aleatët e tyre të tërhiqeshin drejt fshatit Mahmudije, tha SANA, pa dhënë asnjë informacion në lidhje me viktima të mundshme. Duhet të theksohet se kjo nuk është hera e parë që forcat siriane janë përleshur me forcat turke në Ras al-Ain. Ndërkohë, sipas agjencisë iraniane të lajmeve Fars, kolona e automjeteve të blinduara turke që kryente një patrullim të përbashkët me kolonën ushtarake ruse u qëllua me gurë nga një banorët kurdë në rajonin kufitar të veriut të Sirisë. Reporteri i CBS raportoi se burrat kanë qëlluar me çekiç dhe shufra hekuri për të shkaktuar dëme në automjetet e blinduara turke, ndërsa gratë kurde përdorën gurë dhe fëmijët hidhnin vezë mbi trupat turke. Sipas raportit, kurdët sirianë të zemëruar nga prania e trupave turke në veri të Sirisë kanë ngritur pengesa edhe në rrugën e përdorur nga kolona ushtarake turke. Karvani turk ndryshoi drejtim pas përballjes me kurdët sirianë. Automjetet e blinduara ruse, ndërkohë, nuk i kanë shpëtuar zemërimit të kurdëve për shkak të heshtjes së Moskës kundër pushtimit të Sirisë veriore nga Ankaraja.