Luftime mes forcave siriane dhe turke në veri të Sirisë

Ushtria Siriane ka dërguar forca dhe pajisje shtesë ushtarake në periferitë jugore dhe juglindore të Provincës Idlib.

"Këto forca kanë hyrë në këtë zonë ditët e fundit. Operacionet duhet të priten në çdo kohë kundër grupeve terroriste që po forcojnë pozicionet e tyre kundër ushtrisë siriane në jug të Idlibit, "tha një burim ushtarak sirian. "Njësitë e Ushtrisë Siriane janë të gatshme t'i përgjigjen çdo emergjence në frontet në Idlib. Ushtria Siriane planifikon të çlirojë tërë krahinën e Idlibit ", shtoi burimi. Njësi të tjera të ushtrisë siriane kanë forcuar pozicionet e tyre në pjesën veriore të provincës Hasake në autostradën ndërkombëtare Idlib-Hasake. Ato gjithashtu hynë në fshatrat e al-Kozalia, Tal al-Laban dhe Oum Kheir në periferi perëndimore të qytetit Tall Tamar. Banorët e këtyre fshatrave falënderuan ushtrinë për rikthimin e sigurisë. Forcat e ushtrisë siriane zmbrapsën një sulm nga forcat turke dhe mbështetësit e tyre mbi fshatin Tal al-Laban, duke u shkaktuar dëme të mëdha materiale dhe humbje të njerëz. Një dron turk u qëllua nga forcat siriane në periferinë jug-lindore të qytetit Kamishli.