Ushtria amerikane përgatitet të largohet nga Iraku

Ushtria amerikane ka njoftuar përgatitjen për "lëvizje jashtë Irakut", pasi parlamenti i Irakut vendosi të largojë trupat e huaja nga territori irakian.

Gjeneral brigade William Seely, i cili mbikëqyr Task Force amerikane në Irak, të hënën i dërgoi një letër kreut të komandës së operacioneve të përbashkëta të Irakut, më pak se një javë pasi Shtetet e Bashkuara vranë gjeneralin e lartë të Iranit, Kasem Soleimani, raportoi agjencia e lajmeve AFP. "Për të kryer këtë detyrë, Forcat e Koalicionit kërkohet të marrin masa të caktuara për të siguruar që lëvizja jashtë Irakut të kryhet në një mënyrë të sigurt dhe efikase", thuhet në letër. Letra shtoi se ushtria amerikane "do të ripozicionojë forcat gjatë ditëve dhe javëve të ardhshme për t'u përgatitur për lëvizje jashtë Irakut". Helikopterët thuhet se ishin duke u përdorur në dhe përreth Zonës së Gjelbër të Bagdadit si pjesë e përgatitjeve.