Këshilltarët ushtarakë rusë në Katar?

Ndërsa Shtetet e Bashkuara dhe Arabia Saudite po i afrohen një stërvitje detare, zyrtarë të lartë të Katarit dhe Rusisë nënshkruajnë marrëveshje në fushën e sigurisë.

Në një takim të zhvilluar në Doha, sekretari i Këshillit të Sigurisë Ruse, Nikolai Patrushev dhe Khalid ben Mohammed al-Atija, Zëvendëskryeministri dhe Ministri i Shtetit për Mbrojtjen e Katarit, shqyrtuan marrëdhëniet midis dy vendeve dhe rrugët si t’i përmirësojnë ato, veçanërisht në fushën e sigurisë. Në fund të takimit, të dy palët nënshkruan një memorandum mirëkuptimi për sigurinë. Një numër i ministrave të Katarit dhe zyrtarë rusë morën pjesë në takim dhe në ceremoninë e nënshkrimit të marrëveshjeve. Më vonë, Sheik Khalid Ben Khalifa Ben Abdulaziz al-Thani, Kryeministri i Katarit i cili është edhe Ministri i Brendshëm i vendit, organizoi një banket për nder të Nikolai Patrushev. Katari dhe Rusia nënshkruajnë marrëveshje ndërsa kriza midis Katarit dhe Arabisë Saudite po thellohet; disa burime madje e shohin këtë vizitë  të zyrtarit të lartë rus si një grusht në adresë të Riadit.