Turqia dërgon një kolonë të re ushtarake në Idlib të Sirisë

I ashtuquajturi Observatori Sirian për të Drejtat e Njeriut (SOHR) tha se Turqia ka dërguar përforcime të reja në provincën veri-perëndimore të Sirisë Idlib, pasi Ankaraja po rrit praninë e saj ushtarake në rajon pas një armëpushimi të arritur në fillim të këtij muaji me Moskën për të ndaluar përshkallëzimin e dhunës atje.

Observatori me qendër në Britani, duke përmendur burime që kërkonin anonimatin, raportoi se një kolonë turke, e përbërë nga gati 35 automjete ushtarake, kaloi në territorin sirian përmes vendkalimit kufitar Kafr Lusin të enjten pasdite, dhe u drejtua drejt pozicioneve turke. Më parë gjatë ditës, një tjetër kolonë e madhe ushtarake turke kishte hyrë në territoret siriane. Observatori gjithashtu vuri në dukje se forcat turke kanë krijuar një post vëzhgimi në fshatin Kafir, i cili shtrihet në rrethin Xhisr al-Shughur të provincës Idlib. Zhvillimi ndodhi vetëm një ditë pasi një grup militantësh takfiristë të sponsorizuar nga fuqitë e huaja shkatërruan një urë në autostradën strategjike M4, e cila lidh qytetin e Sarakib në Idlib me qytetin bregdetar të Latakias në perëndimin e Sirisë.