Protestuesit libanezë denoncojnë ndërhyrjen e SHBA

Qindra njerëz kanë organizuar një tubim në Liban për të shprehur pakënaqësinë e tyre për ndërhyrjet e Uashingtonit në punët e brendshme të vendit të tyre dhe për deklaratat e fundit të ambasadës amerikane në Bejrut kundër lëvizjes së rezistencës libaneze Hezbollah.

Të hënën, demonstruesit u tubuan jashtë ndërtesës së Ministrisë së Jashtme në lagjen Ashrafieh të Bejrutit, mes një pranie të madhe të forcave të sigurisë. Tubimi i protestës erdhi me ftesë të forcave kombëtare dhe aktivistëve të shoqërisë civile, njoftoi rrjeti televiziv libanez al-Mayadeen. Pjesëmarrësit theksuan rolin domethënës të Hezbollahut në shoqërinë libaneze. Ata thanë se qëndrimet e paqarta të disa fraksioneve politike në Liban përballë Shteteve të Bashkuara nuk do t'u shërbenin interesave të Libanit, duke shtuar se ata nuk kanë nevojë për leksione nga autoritetet amerikane pasi ato kanë kontribuar në bllokadën ekonomike kundër Libanit. Protestuesit gjithashtu shkelën fotot e ambasadores së SHBA-së, Dorothy Shea për fjalët e saj ndërhyrëse. "Ne i kujtojmë ambasadores amerikane Dorothy Shea të drejtën e popujve për të mbrojtur sovranitetin e tyre," thanë ata, duke shtuar: "Amerikanët nuk do të jenë në gjendje të imponojnë vullnetin e tyre në Liban, pasi populli libanez është një komb dinjitoz që mbështet rezistencën". Protesta u zhvillua në të njëjtën kohë kur Shea u thirr në Ministrinë e Jashtme të Libanit, dhe po takohej me Ministrin e Jashtëm Nasif Hitti.