Shtohet numri i të infektuarve me virusin Korona në Izrael

Ministria e shëndetësisë së regjimit sionist ka njoftuar për shtimin e numrit të personave të infektuar me virusin Korona duke shkuar në mbi 48 mijë persona dhe si pasojë janë futur në karantinë me mijëra ushtarë sionist.

Agjencia e lajmeve "Al-Nashre" njoftoi se ministria e shëndetësisë së regjimit sionist ka deklaruar: "Me regjistrimin e rasteve të reja të personave të infektuar me virusin Korona në mesin e sionistëve, numri i personave të infektuar me virusin Korona në Izrael ka shkuar në 48.365 persona".

Sipas ministrisë së shëndetësisë së regjimit sionist, numri i të vdekurve nga virusi Korona në territoret e pushtuara ka shkuar në 401.

Ministria e shëndetësisë së regjimit sionist gjithashtu ka njoftuar për infektimin e 801 ushtarëve sionist me virusin Korona dhe ka thënë: "10.615 ushtarë janë futur në karantine".