Vazhdon ndërhyrja franceze në punët e brendshme të Libanit

Sipas burimeve libaneze, drejtori i përgjithshëm i shërbimit të inteligjencës së jashtme franceze po përpiqet të luajë një rol në formimin e qeverisë së re të Libanit.

Sipas Reuters, burimet libaneze të Enjten në mbrëmje (3 Shtator) thanë se Drejtori i përgjithshëm i shërbimit të inteligjencës së jashtme franceze Bernard Émié po punonte për të bërë presion mbi Libanin për të formuar një qeveri të re dhe për të zbatuar reformat e mbështetur nga Presidenti francez Emmanuel Macron që janë të nevojshme për të shpëtuar Libanin nga kriza ekonomike.   Bernard Émié më parë ishte këshilltar i ish-presidentit francez Zhak Shirak dhe gjithashtu ambasadori francez në Liban nga 2004 në 2007; Por pasi Macron erdhi në pushtet në vitin 2017, ai u emërua drejtor i përgjithshëm i inteligjencës së huaj. Émié ishte ambasadori francez në Liban në kohën e vrasjes së ish-kryeministrit libanez Rafik al-Hariri në  vitin 2005. Pas dy shpërthimeve në portin e Bejrutit më datë 4 Gusht, të cilat vranë dhjetëra dhe plagosën mijëra njerëz, presioni i rritur çoi në dorëheqjen e qeverisë libaneze dhe prezantimin e një kryeministri të ri. Ndërkohë, gjatë vizitës së tij në Liban, presidenti francez vizitoi zonat e prekura nga shpërthimi në portin e Beirut dhe shprehu solidaritetin e tij me popullin libanez. Gjatë një vizite të fundit në Liban, Emmanuel Macron paralajmëroi gjithashtu zyrtarët libanezë se Franca do të vendosë sanksione ndaj politikanëve libanezë në rast të një sabotimi të procesit të reformës deri në fund të tetorit. Abdul Bari Atwan, një analist i njohur në botën arabe, analizoi arsyet e vizitave të presidentit francez në Liban dhe shkroi: Macron udhëtoi në Liban dy herë si kujdestar dhe punëdhënës, duke zgjedhur një kryeministër dhe ndoshta më shumë ministra dhe duke kërcënuar udhëheqësit, partitë dhe grupet libaneze me sanksione kundër atyre që janë në anë të kundërt  të rrugës së reformave dhe sabotojnë krijimin e kabinetit brenda dy javësh. Atwan shkroi: "Të gjitha fraksionet parlamentare menjëherë ranë dakord dhe zgjodhën Mustafa Adib si kryeministër të ri dhe të gjitha kushtet e mëparshme që parandaluan formimin e qeverive u hoqën". Sipas Atwan, Macron erdhi në Liban ndërsa shikoi rivalin e tij të madh, Presidentin turk Rexhep Tajip Erdogan, i cili dërgoi zëvendësin e tij Fouad Oktay në Bejrut me një propozim për të rindërtuar portin e Bejrutit dhe ndërtesat ngjitur me portin dhe për të vendosur portin turk të Mersinit në shërbim të libanezëve deri në kohën e ripararimit të portit të Bejrutit. "Lufta e Ftohtë midis Erdogan dhe Macron po zhvillon në Mesdheun lindor, veçanërisht në Libi dhe ujërat e Qipros dhe Greqisë, të cilat janë të pasura me gaz dhe naftë," tha Atwan. Macron ka akuzuar homologun e tij turk, Erdogan, për ndjekjen e një politike ekspansionizmi, duke thënë se Erdogan është shkaku i paqëndrueshmërisë rajonale dhe kjo nuk është në përputhje me interesat evropiane.