Agjencitë inteligjente amerikane të paafta për t'u përballur me kërcënimet kineze

Agjencitë e inteligjencës amerikane nuk janë të pajisura për t'u përballur me kërcënimet nga Kina në fushat e teknologjisë dhe politikës, paralajmëroi një panel amerikan.

"Komuniteti i inteligjencës i Shteteve të Bashkuara nuk është përshtatur sa duhet me një mjedis gjeopolitik dhe teknologjik në ndryshim të ndikuar gjithnjë e më shumë nga një Kinë në rritje dhe rëndësia në rritje e ndërlidhjes së kërcënimeve jo-ushtarake transnacionale, të tilla si shëndeti global, siguria ekonomike dhe ndryshimi i klimës", tha të mërkurën Komiteti i Inteligjencës së Dhomës së SHBA. Më tej ky panel parashikoi se Uashingtoni "do të dështojë" në mbrojtjen e interesave të SHBA-së në të ardhmen. "Në mungesë të një ristrukturimi të konsiderueshëm të burimeve, qeveria amerikane dhe komuniteti i inteligjencës do të dështojnë të arrijnë rezultatet e kërkuara për të mundësuar konkurrencën e vazhdueshme të SHBA me Kinën në skenën globale për dekadat e ardhshme dhe për të mbrojtur shëndetin dhe sigurinë e SHBA", vuri në dukje komiteti. Kryetari i komitetit Adam Schiff gjithashtu tha se "agjencitë e inteligjencës së kombit tonë kanë shumë punë për të bërë për të adresuar plotësisht sfidën e paraqitur nga Kina".