Trump largohet nga spitali për tu takuar me përkrahësit e tij
Presidenti Donald Trump la “Walter Reed Medical Center” ditën e dielë (me orën lokale) ndërsa jashtë e prisnin mbështetës të tij, të cilët I falënderoi me një përshëndetje nga xhami I makinës.
Përmes një videoje të publikuar në Twitter, Trump u shpreh se vizitoi në spital edhe ushtarakë të ndryshëm ndërsa shtoi se mësoi shumë edhe rreth Covid-19, që deri tani ka infektuar më shumë se 7,5 milionë amerikanë. “Ishte një shëtitje e bukur. Mësova shumë rreth Covid. Mësova vërtetë duke shkuar në shkollë. Kjo është një shkollë e vërtetë. Ndërkohë ne e duam SHBA dhe duam çka ndodh. Faleminderit”, shprehet Trump. Presidenti i SHBA u infektua me Covid-19 pak ditë më parë, së bashku me bashkëshorten Melania Trump ndërsa u përfol shumë për rreziqet potenciale ndaj shëndetit të tij. Por mesa duket, kreu i Shtëpisë së Bardhë e ka marrë veten shumë shpejt.
