Biden vazhdon të kryesojë para Trumpit

Rrjeti informativ britanik BBC ka publikuar sondazhin më të ri të realizuar pas anketimit të bërë brenda dy javëve të fundit.

Aktualisht kjo e vë presidentin, Donald Trump në 42 për qind, krahasuar me kundërshtarin e tij, Joe Biden, me 51 për qind. Sondazhet kombëtare janë një udhëzues i mirë për sa i popullarizuar është një kandidat në të gjithë vendin, por ato nuk janë domosdoshmërisht një mënyrë e mirë për të parashikuar rezultatin e zgjedhjeve. Në vitin 2016, për shembull, Hillary Clinton udhëhoqi në sondazhe dhe fitoi gati tri milionë vota më shumë se Trump, por ajo përsëri humbi – sepse SHBA përdor një sistem kolegji elektoral, kështu që fitimi i më shumë votave nuk ju fiton gjithmonë zgjedhjet. Me këto paralajmërime, Biden ka qenë përpara Trumpit në shumicën e sondazheve kombëtare që nga fillimi i vitit. Ai ka qëndruar rreth 50 për qind në muajt e fundit dhe ka pasur një epërsi prej 10 %  në disa raste.