Detaje mbi autorin e sulmit terrorist në Nice

I dyshuari për vrasjen e tre personave në katedralen Notre Dame në Nice të Francës, është një shtetas i Tunizisë i identifikuar si Brahim Aoussaoui, i cili në Francë kishte shkuar me tren përmes Italisë, duke bartur me vete dokumente identifikimi të kryqit të kuq italian, ka bërë të ditur gjykatësi francez në luftën kundër terrorizmit Jean Francois-Rishaire.

Rishaire ka thënë se i dyshuari kishte mbërritur në Itali përmes ishullit Lampeduze gjatë 9 shtatorit, dhe më pas kishte vazhduar rrugëtimin për në Paris më 9 tetor. Ai shtoi se me të mbërritur në Francë, i dyshuari kishte parë me vete dokumente identifikuese të kryqit të kuq italian dhe se kishte arritur t’i ndërroj rrobat në stacionin e trenit, para se të futej në katedrale me idenë që të kryej sulmin. Rishaire ka bërë të ditur se sulmuesi ka lindur në Tunizi më 1999, dhe është filmuar nga kamerat e sigurisë në stacionin e trenit në Nice, ku më pas kishte ecur rreth 400 metra deri te katedralja Notre Dame. Policia franceze kishte qëlluar për vdekje sulmuesin që me thikë vrau tre persona – madje njërit prej tyre ia kishte prerë kokën.