Situata e virusit Covid-19 në botë

Tetë muaj në betejë me Covid-19 së fundmi SHBA ka regjistruar 99 mijë raste të reja.

Të dhënat e fundit tregojnë se vendi tani po raporton më shumë se një rast të ri çdo sekondë. Sipas të dhënave të Universitetit Johns Hopkins në çdo 1.2 sekonda një amerikan rezulton pozitiv ndërsa një vdes çdo 107 sekonda. Dakota e Veriut, Dakota e Jugut dhe Wisconsin aktualisht udhëheqin vendin në COVID-19 për kokë banori. Tani vetëm dy ditë para zgjedhjeve presidenciale, infeksionet totale në të gjithë vendin kanë kaluar 9.1 milionë dhe më shumë se 230 mijë amerikanë kanë vdekur Numri i njerëzve të infektuar me virus në Europë ka tejkaluar 10 milionshin, pasi numri i rasteve të reja është dyfishuar brenda pesë javësh.  Muajin e kaluar, Amerika Latine dhe Azia raportuan secila më shumë se dhjetë milionë raste. Vetëm Shtetet e Bashkuara kanë më shumë se nëntë milion raste.  Ndërsa Europës iu deshën nëntë muaj për të regjistruar pesë milionë rastet e para, ajo raportoi pesë të tjera në pak më shumë se një muaj.  Në shtatë ditët e fundit, më shumë se 1.6 milion raste të reja janë regjistruar në Evropë, gati gjysma e 3.3 milionë të konfirmuarve në të gjithë botën.  Evropa ka 10 për qind të popullsisë së botës dhe në kontinentin e vjetër, 22 për qind e të gjithë 46.3 milionë të infektuarve në botë.  Si rezultat i COVID-19, 1.2 milion njerëz vdiqën në botë, nga të cilët 269,000 në Europë.