Moska: Berlini të mos përkrahë terroristët në Siri

Ministria e Jashtme ruse ka paralajmëruar qeverinë gjermane kundër pasojave të mbështetjes së saj për grupin terrorist të ashtuquajtur "Helmetat e Bardha" që është aktiv në verilindje të Sirisë.

Zëdhënësja e Ministrisë së Jashtme ruse Maria Zakharova theksoi se Ministria e Jashtme gjermane kërkon t'i paraqesë Helmetat e Bardha si një simbol i shpresës për sirianët. Mbështetja materiale, e siguruar nga Zyra Federale e Jashtme Gjermane për organizatën pseudo-humanitare "Helmetat e Bardha", mund të përdoret pa dyshim për të zgjidhur problemet humanitare në Siri, por edhe për të financuar terrorizmin, tha zëdhënësja e Ministrisë së Jashtme ruse. Duke iu referuar ndihmës prej 5 milion eurosh të alokuara nga Ministria e Jashtme gjermane për organizatën, Zakharova tha: “Ende nuk dihet, gjithashtu për publikun gjerman, se sa prej këtyre fondeve shkuan në mbështetje të bashkëpunimit midis ekipeve pseudo-humanitare të kësaj organizate  me terroristët në Sirinë verilindore, as nëse kjo shumë mbulon zhvendosjen të njërit prej drejtuesve të Helmetave të Bardha, Khalid al-Sarih, nga Jordania në Gjermani ."