Clinton dhe Pelosi: Protestuesit janë “marionetat e Putinit”

Dy figura nga radhët e demokratëve kanë kërkuar që Kongresi Amerikan të hetojë lidhjet e presidentit në largim të SHBA-ve, Donald Trump, me presidentin rus, Vladimir Putin, pas trazirave të 6 janarit.

“Do të më pëlqente të shihja regjistrat e tij të telefonit për të parë nëse ai po fliste me Putinin ditën kur kryengritësit pushtuan Kapitullin tonë”, tha ish-Sekretarja e Shtetit, Hillary Clinton në podcast-in e saj. Në të njëjtin podcast, e ftuara e Clintonit, Nancy Pelosi, Kryetarja e Dhomës së Përfaqësuesve të SHBA-së, tha: “Unë nuk e di se çfarë ka Putini mbi të politikisht, financiarisht ose personalisht, por ajo që ndodhi javën e kaluar ishte një dhuratë për Putinin sepse Putini dëshiron të minojnë demokracinë në vendin tonë dhe në të gjithë botën.” Duke i quajtur “marionetat e Putinit” njerëzit që morën pjesë në trazirë, ajo tha se ka mbështetje të fortë në Kongres për të hapur hetim lidhur me marrëdhëniet midis Trump dhe Putin. Kongresi duhet të krijojë një organ hetimor si Komisioni i 11 Shtatorit për të përcaktuar lidhjet e Trump me Putinin në mënyrë që të riparojmë dëmet e sigurisë sonë kombëtare dhe të parandalojmë që një kukull të zërë presidencën përsëri”, tha Clinton.