Trump humbi një të tretën e pasurisë së tij
Vlerësimet ekonomike sugjerojnë se qëndrimi katër vjeçar i Donald Trump në Shtëpinë e Bardhë ka dëmtuar bizneset e tij, duke përfshirë hotelin dhe pasuritë e paluajtshme dhe ka humbur një të tretën e pasurisë së tij.
Sipas agjencisë IRNA, pas një mandati presidencial katër-vjeçar, pasuria e Donald Trump është ulur me gati 1 miliard dollarë. Sipas Indeksit të Miliarderëve Bloomberg, vlera e pasurisë neto të Trump tani është 2.3 miliardë dollarë nga 3 miliardë dollarë që ishte në kohën e zgjedhjeve presidenciale në vitin 2016. Pas një hulumtimi të gjerë mbi vlerën e punës së ish-presidentit amerikan, Bloomberg konkludon se perandoria tregtare e Trump tani është e sëmurë. Ekspertët ekonomikë të revistës Bloomberg ia atribuojnë dështimin financiar të Trump si pandemisë së Covid-19, ashtu edhe dëmtimit të emrit të tij. Trump, ndërkohë, duhet të shlyejë të paktën 590 milion dollarë kredi gjatë pesë viteve të ardhshme.
