Rusia: Largimi nga marrëveshja bërthamore çoi në një humbje katastrofike

I dërguari i Rusisë në organizatat ndërkombëtare me qendër në Vjenë e përshkroi tërheqjen e SH.B.A.-së nga marrëveshja bërthamore si një "dështim të turpshëm".

Sipas Agjencisë së Lajmeve Fars, "Mikhail Ulyanov", përfaqësuesi i Rusisë në organizatat ndërkombëtare me seli në Vjenë, në një mesazh në Tëitter me rastin e përvjetorit të tërheqjes së SHBA nga marrëveshja bërthamore deklaroi:  Tërheqja e Shteteve të Bashkuara nga marrëveshja bërthamore dhe fillimi i politikës së presionit maksimal çoi në dobësimin e marrëveshjes bërthamore, përparimin e programit bërthamor të Iranit dhe përkeqësimin e situatës në Gjirin Persik. Ky është një dështim i turpshëm! Tani, mundësia e kthimit të SHBA në marrëveshjen bërthamore është në axhendën e bisedimeve të Vjenës.  Ish Presidenti i SHBA Donald Trump, pas tërheqjes së tij të njëanshme nga marrëveshja bërthamore në vitin 2018, ndoqi politikën e "presionit maksimal" ku përveç rivendosjes së sanksioneve të pezulluara sipas marrëveshjes, vendosi edhe sanksioneve të reja dhe ndërmori politika provokuese të tilla si vrasja e Gjeneralit Kassem Sulejmani, ish-komandanti i Forcës Kods të Trupave të Gardës Revolucionare Islamike.  Trump është kritikuar gjerësisht nga kritikët e tij për mungesën e një strategjie për Iranin, përshkallëzimin e tensioneve me vendin dhe ndarjen e Shteteve të Bashkuara nga aleatët e saj.  Administrata e re e SHBA, e udhëhequr nga Joe Biden, ka pranuar dështimin e politikës së presionit maksimal dhe njoftoi synimin e saj për t'i sjellë Shtetet e Bashkuara përsëri në marrëveshjen bërthamore, por deri më tani ka refuzuar të marrë ndonjë veprim konkret.  Disa ditë më parë, një zëdhënës i Shtëpisë së Bardhë, duke përsëritur se Shtetet e Bashkuara kishin shkelur detyrimet e tyre ndaj marrëveshjes bërthamore, përsëriti se sanksionet mund të hiqeshin vetëm nëse Irani "kthehej" në detyrimet e tij ndaj marrëveshjes.  Ndërkohë, Teherani ka deklaruar në mënyrë të përsëritur se kushti për kthimin e Shteteve të Bashkuara në marrëveshjen bërthamore është heqja e të gjitha sanksionet që janë vendosur, ri-aplikuar ose ri-etiketuar.