Përfundimi dështak i mbledhjes së Këshillit të Sigurimit për Palestinën

Takimi virtual i Këshillit të Sigurimit të KB mbi zhvillimet në Palestinë dhe Gaza përfundoi pa ndonjë rezultat konkret.

Sipas Agjencisë së Lajmeve Fars, takimi, i cili u mbajt me kërkesë të Kinës, Norvegjisë dhe Tunizisë për të shqyrtuar konfliktin midis regjimit sionist dhe rezistencës palestineze, ishte takimi i tretë i këshillit brenda javës së kaluar.  Dy takimet e mëparshme përfunduan me sabotimin e Shteteve të Bashkuara dhe parandalimin e dënimit të krimeve të regjimit sionist kundër popullit palestinez dhe pa lëshimin e një deklarate të përbashkët.  Ministri i jashtëm palestinez Riyad al-Maliki i quajti sulmet e Izraelit në territoret e okupuara palestineze një krim lufte dhe i bëri thirrje Këshillit të Sigurimit të vendosë sanksione ndaj Tel Avivit.  Al-Maliki theksoi se Izraeli është një hajdut i armatosur që hyn në shtëpinë tonë dhe vret familjet tona, shkatërron shtëpitë tona dhe shtyp njerëzit tanë nga brezi në brez.   Sekretari i Përgjithshëm i KB Antonio Guterres gjithashtu u bëri thirrje palëve që të kthehen në tryezën e bisedimeve për një zgjidhje me dy shtete, duke theksuar nevojën për të ndaluar sulmet izraelite në Rripin e Gazës dhe ndalimin e vrasje së civilëve palestinezë.  Ministri i Jashtëm kinez Wang Yi gjithashtu kritikoi pozicionin e SHBA, duke theksuar se pengesat e Uashingtonit parandaluan Këshillin e Sigurimit të fliste me një zë të përbashkët.  Sipas raportit, nga 15 anëtarët e Këshillit të Sigurimit në takimet e mëparshme, 14 anëtarë (me përjashtim të Shteteve të Bashkuara) ranë dakord të lëshonin një deklaratë të përbashkët për të dënuar regjimin sionist.  Sipas Ministrisë Palestineze të Shëndetësisë, deri më tani në shtatë ditët e agresionit Izraelit në Rripin e Gazës 192 palestinezë janë vrarë, duke përfshirë 58 fëmijë dhe 34 gra.   Më shumë se 1,200 palestinezë të tjerë gjithashtu janë plagosur.