Rusia ka vendosur sanksione ndaj disa shtetasve britanikë

Rusia ka vendosur sanksione ndaj një numri zyrtarësh britanikë në përgjigje të sanksioneve të fundit të Londrës.

Sipas Agjencisë së Lajmeve Fars, Ministria e Jashtme Ruse tha në një deklaratë se, "Moska ka vendosur të ushtrojë sanksione ndaj një numri zyrtarësh britanikë që janë të përfshirë në aktivitete anti-ruse në përgjigje të veprimeve jo miqësore të Britanisë dhe në bazë të parimit të reciprocitetit. Ministria e Jashtme ruse nuk i përmendi zyrtarët britanikë që ishin sanksionuar, por tha se atyre u është ndaluar hyrja në Rusi. Në një deklaratë, Ministria e Jashtme ruse i bëri thirrje qeverisë britanike të heqë dorë nga qasja e saj për t'u përballur me Rusinë dhe theksoi se Londra duhet të jetë e sigurt se për çdo veprim jomiqësor, ajo nuk do të mbetet pa përgjigje. Britania kohët e fundit sanksionuan një numër shtetasish rusë për përfshirjen e tyre të dyshuar në abuzimet e të drejtave të njeriut në Republikën Çeçene të Rusisë. Tensionet midis Rusisë dhe Perëndimit janë rritur ndjeshëm muajt e fundit për çështje të ndryshme, përfshirë krizën në Ukrainën lindore dhe sanksionet perëndimore kundër Moskës. Shtetet e Bashkuara dhe vendet evropiane kanë vendosur një sërë sanksionesh ekonomike dhe financiare anti-ruse që nga viti 2014, duke shkaktuar një reagim të ashpër nga Moska.