Qeveria kanadeze dënohet të kompensojë indigjenët

Një gjykatë federale në Kanada ka vendosur që qeveria duhet të kompensojë familjet autoktone për vrasjet dhe diskriminimin racor.

Sipas Reuters, Gjykata Kanadeze e të Drejtave të Njeriut, e cila në vitin 2016 akuzoi gjithashtu qeverinë kanadeze për diskriminim racor, persekutim dhe vrasje të banorëve indigjenë, këtë herë i bëri thirrje qeverisë që për shkak të politikave të saj kundër të drejtave të njeriut, të kompensojë kanadezët autoktonë. Sipas raportit, Gjykata Kanadeze e të Drejtave të Njeriut urdhëroi Qeverinë Liberale të Kanadasë me në krye Kryeministrin Justin Trudeau, të paguante 40,000 dollarë dëmshpërblim për secilin anëtar të familjeve të dëmtuara autoktone, si kompensim për vrasjet dhe zbatimin e politikave raciste. Muajt ​​e fundit, mbetjet e disa varreve masive janë zbuluar në pjesë të ndryshme të Kanadasë, duke treguar se ky vend ka shtypur, torturuar dhe vrarë banorët autoktonë për vite me radhë. Shumë banorë indigjenë thonë se fëmijët e tyre u varrosën rreth shkollave të kontrolluara nga Kisha Katolike në periferi të qyteteve. Zbulimi i këtyre varreve masive të banorëve indigjenë kanadezë ka provokuar shumë reagime ndërkombëtare. Shumë akuzojnë qeverinë e kryeministrit Trudeau për abuzime të dukshme të të drejtave të njeriut, diskriminim racor dhe shkelje të ligjit ndërkombëtar.