Diplomati i lartë amerikan takohet me Macron pas grindjes për nëndetëset

Sekretari amerikan i Shtetit Antony Blinken, në një takim me Presidentin Emmanuel Macron, është përpjekur të rregullojë marrëdhëniet dypalëshe, të cilat u përkeqësuan pasi muajin e kaluar Shtetet e Bashkuara e lanë Parisin mënjanë dhe nënshkruan një marrëveshje fitimprurëse bërthamore me Australinë për nëndetëset.

Takimi kokë më kokë të martën në kryeqytetin francez, Paris midis Blinken dhe Macron zgjati rreth 40 minuta. Një zyrtar i lartë i Departamentit Amerikan të Shtetit tha se Macron dhe Blinken kishin rënë dakord të përdornin mundësinë për të "thelluar dhe forcuar koordinimin" dhe i vlerësoi bisedimet si "shumë produktive", ndërsa pranoi se "mbetet shumë punë e madhe përpara". Sipas zyrtarit, të dy palët diskutuan projekte të mundshme të përbashkëta që mund të shpallen nga Macron dhe Presidenti Joe Biden kur të takohen më vonë këtë muaj në Evropë. Projektet ka të ngjarë të përfshijnë përpjekjet Indo-Paqësore dhe Perëndimore për të kundërshtuar rritjen e Kinës atje dhe gjetkë, NATO-n dhe objektiva të tjerë transatlantikë që përfshijnë Bashkimin Evropian, dhe bashkëpunimin e pretenduar kundër terrorizmit në rajonin Sahel të Afrikës. Elysée gjithashtu konfirmoi takimin, duke thënë se vizita e Blinken në Paris "do të kontribuonte në rikthimin e besimit".