Gjeneral Haftar shpall kandidaturën për president të Libisë
Komandanti i forcave të ashtuquajtura "Ushtria Kombëtare e Libisë" ka shpallur kandidaturën e tij për zgjedhjet presidenciale të Libisë.
Agjencia e lajmeve Sputnik njoftoi se gjeneral Khalifa Haftar, komandanti i forcave të "Ushtrisë Kombëtare të Libisë", gjatë një fjalimi televiziv, ka deklaruar: "Kam paraqitur dokumentacionin për regjistrim si kandidat për zgjedhjet presidenciale të Libisë".
Më në fund pas shumë muajve bisedime e tensione mes grupeve të ndryshme politike në Libi, që nga e hëna e javës së kaluar ka filluar regjistrimi i kandidatëve për zgjedhjet presidenciale dhe parlamentare të Libisë.
Sipas raportit të Imad Al-Sajeh, kryetarit të Komisionit Zgjedhor të Libisë, regjistrimi i kandidatëve për zgjedhjet parlamentare do të zgjasë deri më 7 dhjetor dhe regjistrimi i kandidatëve për zgjedhjet presidenciale do të kryhet deri më 22 nëntor.
Zgjedhjet presidenciale dhe zgjedhjet parlamentare në Libi pritet të zhvillohen më 24 dhjetor të vitit 2021.
