Kina prezanton aeroplanët anti-nëndetëse

Pekini ka fluturuar avionë luftarakë anti-nëndetëse në ujërat periferike të Kinës në Ngushticën e Tajvanit, ndërsa ndërhyrjet e marinës amerikane në këtë rajon po rriten.

Sipas CGTN, Kina ka publikuar një video 60 sekonda që tregon avionin e saj luftarak anti-nëndetëse Y-8Q.  Ky zhvillim vjen në një kohë kur ndërveprimet midis Tajvanit dhe Shteteve të Bashkuara janë thelluar dhe qëndrimi agresiv i Pekinit për këtë çështje është intensifikuar. Publikimi i videos së avionit Y-8Q të marinës kineze, i njohur gjithashtu si KQ-200, vjen pasi Tajvani kishte pretenduar më parë se të paktën pesë avionë luftarakë kinezë kishin hyrë në "Zonën e Mbrojtjes Ajrore" të Tajvanit më 24 nëntor. Burimet tajvaneze pohojnë se ky është rasti i 23-të i këtij aksioni të Forcave Ajrore Kineze në muajin nëntor. Avioni Y-8Q mbush një boshllëk të rëndësishëm në aftësinë ushtarake të ushtrisë kineze dhe i lejon ushtrisë kineze të monitorojë vazhdimisht aktivitetet e nëndetëseve dhe anijeve të huaja, shtoi raporti. Ndërsa luftanijet amerikane lundrojnë në ngushticën e Tajvanit me aktivitetet e tyre tensionuese, publikimi i një videoje të avionit Y-8Q të Kinës mund të shihet si një sinjal për Shtetet e Bashkuara dhe aleatët e saj në rajon.