Mora: Ekziston vullnet për të arritur një marrëveshje

Koordinatori i Komisionit të Përbashkët të marrëveshjes bërthamore deklaroi se ai ka parë vullnet të ripërtërirë nga të gjitha palët, përfshirë Iranin, për të arritur një marrëveshje, por kjo tani do të testohej ndërsa të dërguarit do të hyjnë në detaje në ditët në vijim.

"Ajo që ndjeva këtë mëngjes ishte se të gjitha delegacionet kanë një vullnet të ripërtërirë qëllimi në nevojën për të punuar dhe për të arritur një marrëveshje për kthimin në jetë të marrëveshjes bërthamore," tha zëvendësshefi i politikës së jashtme të BE, Enrique Mora. Mora shtoi: "Ne nuk po fillojmë nga e para. Ne po fillojmë nga një punë shumë solide e bërë gjatë disa javësh nga të gjitha delegacionet... Në të njëjtën kohë unë insistoj se ka një ndjenjë urgjence në arritjen e një marrëveshjeje dhe padyshim me kalimin e kohës, kjo ndjesi e urgjencës do të jetë më e mprehtë dhe ne duhet të përqendrohemi më fort në detyrën që na pret." Zyrtari i BE-së vuri në dukje se "Të gjitha delegacionet janë zotuar të qëndrojnë sa të jetë e nevojshme për të arritur një marrëveshje... Të gjitha delegacionet e kanë thënë shumë qartë se janë këtu për të punuar derisa të arrijmë një marrëveshje dhe këtë do të përpiqemi ta bëjmë në ditët në vijim”.