Biden nënshkruan projekt-buxhetin ushtarak prej 770 miliardë dollarësh

Presidenti amerikan Joe Biden nënshkroi të hënën projektligjin e buxhetit ushtarak amerikan prej 770 miliardë dollarësh për vitin 2022.

Sipas Iran Press News Agency, projektligji i quajtur Akti i Autorizimit të Mbrojtjes Kombëtare të SHBA (NDAA) (Buxheti Ushtarak) për vitin 2022 u miratua në fillim të këtij muaji me shumicën e votave në Dhomën e Përfaqësuesve dhe Senatin e SHBA. Akti NDAA (Buxheti Ushtarak) i vitit 2022 bëri thirrje për frenimin e Kinës dhe Rusisë, për të ndihmuar Ukrainën, për të modernizuar programin e saj bërthamor, për të përmirësuar klimën dhe për të adresuar kërcënimet biologjike në zhvillim. Një pjesë e planit të Pentagonit për të kundërshtuar Rusinë dhe Kinën përfshin ndërtimin e armëve hipersonike dhe forcimin e marinës amerikane me nëndetëse të pajisura me raketa balistike. Buxheti ushtarak amerikan për vitin 2021 ishte 740.5 miliardë dollarë dhe në vitin 2020, ishte 738 miliardë dollarë. Rritja e buxhetit ushtarak amerikan vjen në një kohë kur populli i këtij vendi po proteston vazhdimisht kundër politikave të Shtëpisë së Bardhë dhe Kongresit për uljen e buxhetit të sektorëve të mirëqenies, shërbimeve mjekësore dhe arsimore të këtij vendi.  Pjesa më e madhe e buxhetit ushtarak amerikan shpenzohet për krijimin e krizave, pasigurisë dhe në ndihmë të shteteve pushtuese në mbarë botën.