Zelenski: Shtetet e Bashkuara po e ekzagjerojnë qëllimisht krizën në Ukrainë

Duke hedhur poshtë përpjekjet e Shteteve të Bashkuara dhe aleatëve të saj evropianë për të portretizuar një situatë të tensionuar dhe kritike midis Rusisë dhe Ukrainës, presidenti ukrainas Vladimir Zelenski minimizoi vlerësimin e Uashingtonit për pushtimin e afërt të Rusisë.

Sipas faqes së internetit Politico; Deklaratat e Zelenski theksuan mospërputhjen midis Kievit dhe Uashingtonit dhe hendekun midis vlerësimit të qeverisë ukrainase dhe zyrtarëve amerikanë, të cilët kanë paralajmëruar vazhdimisht për mundësinë e kalimit të kufirit me Ukrainën nga trupat ruse. Presidenti ukrainas foli rreth një telefonate të enjten me Presidentin e SHBA Joe Biden, për të cilën media besonte se ishte e tensionuar, në të cilën Zelenski hodhi poshtë pikëpamjen e Biden për kërcënimin rus dhe tha se media perëndimore po minon besimet e qytetarëve ukrainas. Ai i akuzoi këto media se po krijojnë një situatë kaotike ekonomike në të gjithë Ukrainën. Shtetet e Bashkuara kanë shtuar së fundmi paralajmërimet e tyre për pushtimin e supozuar të Rusisë dhe kanë urdhëruar të afërmit e stafit të ambasadës së saj në Kiev që të largohen nga Ukraina. Por zyrtarët ukrainas kanë bërë thirrje për qetësi dhe Zelenski në një fjalim televiziv tha se qeveria e tij ishte mjaft e fortë për të kontrolluar situatën. Për të qetësuar qytetarët, ministri ukrainas i Mbrojtjes Oleksiy Raznikov gjithashtu tha se njerëzit nuk duhet të shqetësohen por duhet të flenë rehat dhe se nuk ka nevojë që të paketojnë valixhet. Moska ka deklaruar vazhdimisht se nuk ka plane për të pushtuar Ukrainën dhe ministri i Jashtëm rus Sergei Lavrov të premten paralajmëroi: Përsa i përket Federatës Ruse, nuk do të ketë luftë. Ne nuk duam luftë. Por ne nuk do të lejojmë që interesat tona të shkelen dhe të shpërfillen në mënyrë flagrante. Presidenti rus Vladimir Putin në një bisedë telefonike me homologun e tij francez Emmanuel Macron të premten tha se propozimet e SHBA-së dhe NATO-s për çështjen e sigurisë nuk kishin adresuar shqetësimet kryesore të Moskës. Vendosja e 150,000 trupave ruse në kufirin ukrainas filloi në fund të vitit të kaluar, pasi Rusia u përpoq të ndalonte Ukrainën që të bashkohej me NATO-n dhe të detyronte aleancën e NATO-s që të reduktojë operacionet e saj ushtarake në Evropën Lindore. Bisedimet midis Rusisë dhe Perëndimit gjithashtu kanë dështuar. Më hert presidenti amerikan Joe Biden duke telefonuar homologun e tij ukrainas, Volodimir Zelenski, pretendoi se Rusia mund të pushtojë Ukrainën muajin e ardhshëm. Ndërkohë, Uashingtoni dhe aleatët e tjerë perëndimorë kanë paralajmëruar se Kremlini mund të përballet me sanksione shkatërruese ekonomike nëse vendos të ndjekë një sulm ushtarak në Ukrainë.