Uragani në Amerikë; Anulohen më shumë se 3000 fluturime

I ftohti i madh dhe stuhitë e mprehta në rajonet verilindore dhe ato të mesme të Atlantikut të Shteteve të Bashkuara jo vetëm që kanë anuluar mijëra fluturime, por edhe kanë shpallur gjendjen e jashtëzakonshme në disa shtete dhe Garda Kombëtare e SHBA është vënë në gatishmëri të lartë.

Sipas agjencisë së lajmeve Fars, një stuhi e fortë dimërore me reshje të mëdha bore dhe erëra të forta goditi bregun lindor të Shteteve të Bashkuara dhe mijëra fluturime u anuluan për shkak të paralajmërimeve të motit të ashpër në zonat me rreth 70 milionë banorë. Të ftohtit dhe stuhitë e ashpra në rajonet verilindore dhe të mesme të Atlantikut të Shteteve të Bashkuara kanë detyruar autoritetet të  shpallin gjendjen e jashtëzakonshme në disa shtete. Tre javë më parë, të paktën 80 njerëz u vranë dhe më shumë se 100 u plagosën nga një tornado e paprecedentë në Kentaki dhe uragane të shumta  në Amerikën qendrore dhe jugore. Shkencëtarët federalë njoftuan së fundmi se viti 2021 ishte një tjetër vit katastrofik dhe vdekjeprurës përsa i përket fatkeqësive natyrore dhe klimatike në Shtetet e Bashkuara. Administrata Kombëtare e Oqeanit dhe Atmosferës raportoi 20 fatkeqësi të veçanta, secila prej të cilave shkaktoi të paktën 1 miliard dollarë dëme.