Mijëra protestojnë kundër kufizimeve anti-COVID në Gjermani
Deri në 4,000 njerëz protestuan kundër kufizimeve të qeverisë gjermane për COVID në një tubim në Nuremberg të dielën, 30 janar, ku sipas policisë, shumë prej tyre ishin pa maska .
Demonstrata erdhi katër ditë pasi ligjvënësit gjermanë debatuan nëse do të impononin injeksione të detyrueshme të vaksinave anti-COVID, pasi infeksionet me COVID-19 kanë arritur rekorde të reja ditore. Kancelari Olaf Scholz mbështet vaksinat e detyrueshme për moshat mbi 18 vjeç, por qeveria e tij është e ndarë për këtë çështje dhe ai u ka thënë ligjvënësve që të votojnë sipas ndërgjegjes. Një nga pankartat e parë në Nuremberg i drejtohej Ministrit të Shëndetësisë Karl Lauterbach, i cili është një epidemiolog, duke thënë se ai "është më i keq se Corona", ndërsa një tjetër thoshte: "Unë nuk jam një derr për therje për industrinë farmaceutike". Pakënaqësia e publikut për kufizimet e vendosura për të frenuar pandeminë, siç është përjashtimi i njerëzve të pavaksinuar nga shumë aktivitete të brendshme, është shtuar nga mundësia e vaksinave të detyrueshme. Varianti shumë ngjitës Omicron në javët e fundit i ka shtuar ndjeshëm rastet të reja të koronavirusit në Gjermani.
