Kina dënon marrëveshjen e armëve të SHBA me Tajvanin

Kina ka dënuar shitjen e armëve me vlerë prej 100 milionë dollarësh në Tajvanin kinez, duke paralajmëruar se ajo dëmton "seriozisht" paqen dhe stabilitetin në rajon.

Zëdhënësi i Ministrisë së Jashtme të Kinës Zhao Lijian tha të martën se shitja e fundit e armëve "minon seriozisht" marrëdhëniet midis Uashingtonit dhe Pekinit, si dhe paqen dhe stabilitetin në ngushticën e Tajvanit. Ai tha gjithashtu se Kina do të marrë masa për të mbrojtur interesat e saj të sigurisë. “Kina do të marrë masa legjitime dhe të forta për të mbështetur sovranitetin dhe interesat e saj të sigurisë”, tha zëdhënësi në një konferencë për mediat. Të hënën, SHBA miratoi shitjen e pajisjeve dhe shërbimeve me vlerë 100 milionë dollarë për Tajvanin për të forcuar sistemin e tij të mbrojtjes raketore Patriot. Sipas ministrisë së mbrojtjes së Tajvanit, marrëveshja pritet të hyjë në fuqi muajin e ardhshëm. Biden miratoi shitjen e tij të parë të armëve prej 750 milionë dollarësh në Tajvan në gusht 2021.