Mediat ukrainase: Qyteti Nova Kakhovka ka rënë në duart e Rusisë

Sipas mediave ukrainase, forcat ruse tani kanë marrë nën kontroll qytetin Nova Kakhovka.

Sipas BBC, Nova Kakhovka është një qytet i vogël, por me vendndodhje strategjike në lumin Dnieper, i cili lidhet drejtpërdrejt me gadishullin e Krimesë përmes kanaleve ujore. Kryetari i bashkisë së qytetit, Volodymyr Kovalenko, tha se forcat ruse kishin hyrë në ndërtesat administrative të qytetit dhe kishin hequr të gjithë flamujt ukrainas. Sipas raportit, kapja e qytetit Nova Kakhovka është një nga përparimet më të suksesshme nga forcat ruse deri më tani nga jugu i Ukrainës, dhe qytetet Kherson, Mikolayev dhe Militopol janë gjithashtu duke rënë nën kontrollin e rusëve.