Zelensky liron të burgosurit për të luftuar Rusinë

Presidenti i Ukrainës ka liruar të burgosurit pasi ftoi vullnetarë të huaj të marrin pjesë në luftën kundër ushtrisë ruse.

“Sipas ligjit ushtarak të Ukrainës, një numër i të burgosurve me përvojë luftarake do të lirohen”, citohet të ketë thënë Volodymyr Zelensky. Gjatë luftës, të gjitha kufizimet janë hequr në mënyrë që të burgosurit të mund të marrin pjesë në luftën kundër Rusisë. "Sipas ligjit ushtarak, ukrainasit me përvojë luftarake do të lirohen nga burgu në mënyrë që të mund të shlyejnë krimet e tyre," shtoi ai. Gjatë kësaj periudhe u falen të gjitha dënimet në mënyrë që të burgosurit të mund të luftojnë në operacionin e ushtrisë ukrainase në Donbas. Më herët, zyrtarët e Kievit ftuan mercenarë të huaj të luftojnë përkrah forcave ukrainase. Ministri i Jashtëm ukrainas Dmitry Kolba kishte thënë se të huajt që dëshirojnë të mbrojnë Ukrainën në kuadër të Forcave të Mbrojtjes Kombëtare mund të aplikojnë në ambasadat e Ukrainës në vendet e tyre të rezidencës. Pamjet satelitore tregojnë trupat ruse që shkojnë rreth 65 kilometra drejt Kievit. Al Jazeera raportoi gjithashtu se shpërthime të fuqishme dhe sirenat e alarmit u dëgjuan sot në Kiev, kryeqytetin e Ukrainës. Ministria e Mbrojtjes e Ukrainës thotë se forcat ruse kanë nisur një ofensivë në Kherson dhe po avancojnë nga aeroporti në autostradën Nikolaev.