Turqit protestojnë në Ankara: Ne jemi Kasem Soleimani

Protestuesit turq kanë dalë në rrugët e kryeqytetit Ankara për të shprehur zemërimin e tyre ndaj vizitës së presidentit izraelit Isaac Herzog në Turqi.

Në demonstratën e së premtes, pjesëmarrësit mbanin flamujt e lëvizjeve të rezistencës libaneze dhe jemenase, Hezbollah dhe Ansarullah, si dhe foto të komandantit të lartë anti-terror dhe anti-sionist të Iranit, gjeneral Kasem Soleimani, i cili u vra nga Shtetet e Bashkuara në fillim të vitit 2020. Ata thërrisnin slogane të tilla si, "Poshtë SHBA", "Poshtë Izraeli", "Rroftë Rezistenca", "Rroftë Hezbollahu" dhe "Ne jemi të gjithë Kasem Soleimani". Të mërkurën, populli turk mbajti protesta në qytetet Ankara, Stamboll, Gaziantep dhe Burdur kundër vizitës së Herzogut. Ata i kërkuan Ankarasë të korrigjojë "gabimin" e forcimit të lidhjeve me Izraelin pas vrasjes së 10 aktivistëve humanitarë turq nga forcat izraelite në anijen Mavi Marmara në vitin 2010. "Mavi Marmara është krenaria jonë," brohoritën demonstruesit, duke mbajtur pankarta që shkruanin, "Ne nuk duam një vrasës në vendin tonë". "Kjo është një dhimbje e madhe dhe një torturë, është si një thikë në gjoksin e popullit tonë," tha Mehmet Tunc, një nga aktivistët që ndodhej në anijen Mavi Marmara në kohën e sulmeve vdekjeprurëse izraelite.