Ministri i Jashtëm ukrainas shpall gatishmërinë për të negociuar me Rusinë

Ministri i Jashtëm i Ukrainës ka njoftuar se Kievi është i gatshëm të negociojë me Rusinë për t'i dhënë fund luftës.

Sipas Reuters, Ministri i Jashtëm ukrainas Dmitry Kolba në një fjalim të shtunën tha: Nëse Ukraina do të kishte avionë luftarakë dhe pajisje ushtarake për të shkatërruar shtyllat e mëdha të ushtrisë ruse, jetët e civilëve do të shpëtoheshin. “Rusia ka bërë kërkesa të papranueshme”, tha Kolba. Ne jemi të gatshëm të negociojmë, por nuk do të pranojmë ultimatumet dhe nuk do të dorëzohemi. Ministri i Jashtëm ukrainas për qytetin Mariupol në jug të Ukrainës, gjithashtu tha se qyteti është nën rrethim, por ende nën kontrollin e Ukrainës. Kolba shtoi se Bjellorusia pavarësisht presionit nga Rusia për të dërguar trupa në Ukrainë, hezitoi ta bënte këtë. Ministri i Jashtëm ukrainas gjithashtu shtoi se Kievi kishte nevojë për më shumë pajisje ushtarake dhe pavarësisht sanksioneve të fundit, nevojiteshin më shumë masa për të goditur ekonominë e Rusisë. Pushtimi rus i Ukrainës, i cili filloi në fund të shkurtit, ka çuar në largimin e më shumë se 2.5 milionë njerëzve nga ky vend i Evropës Lindore dhe vendet perëndimore po kërkojnë me shpejtësi ta izolojnë Moskën duke kufizuar tregtinë globale dhe sistemin financiar të Rusisë.