Rusia përdor përsëri raketën Kinzhal

Rusia ka njoftuar sulme të reja me raketën hipersonike 'Kinzhal' në Ukrainë.

Ministria ruse e Mbrojtjes ka konfirmuar të paktën dy raste të përdorimit të armëve taktike hipersonike nga ushtria ruse kundër Ukrainës, duke vënë në dukje se sulmet me këto raketa ofruan mundësinë për të shkatërruar shpejt objektiva të rëndësishëm. Sipas deklaratës zyrtare të Ministrisë ruse të Mbrojtjes, në të ardhmen e afërt do të kryhen sulme të reja në territorin e Ukrainës duke përdorur sistemet raketore Kinzhal. “Shkatërrimi i një depoje të madhe karburanti në fshatin Konstantinovka nga një raketë hipersonike e kompleksit Dagger vërtetoi efikasitetin e raketës dhe pamundësinë e çdo mjeti mbrojtës ajror dhe raketor për ta kapur atë". Kjo ministri shton: "Shkatërrimi i një depoje të madhe karburanti në fshatin Konstantinovka nga një raketë hipersonike e kompleksit Dagger ishte për shkak të padukshmërisë dhe paprekshmërisë përballë çdo mjeti të mbrojtjes ajrore dhe mbrojtjes raketore të armikut. Për momentin, pala amerikane nuk ka ofruar asnjë provë zyrtare që vërteton se raketa Kinzhal është zbuluar dhe interceptuar". Një nga dy raketat e përdorura sipas burimeve të caktuara, kishte shkatërruar një strehë nëntokësore e destinuar për mbrojtje kundër sulmeve bërthamore.