Gjermania, një miliard euro ndihmë për Ukrainën

Kancelari gjerman Olaf Schultz ka njoftuar miratimin e më shumë se 1 miliard euro ndihmë humanitare për Ukrainën.

Kanali televiziv gjerman ARD të premten raportoi se Olaf Schultz kishte rënë dakord të rriste ndihmën ushtarake të Berlinit për vende të ndryshme me vlerë 2 miliardë euro, gjysma e të cilave shkonte për Ukrainën. 400 milionë euro nga ndihma ushtarake gjermane janë caktuar për të ashtuquajturin "Kushtet Evropiane të Paqes", i cili supozohet të përdoret për të blerë armë për Ukrainën. Pas fillimit të agresionit ushtarak rus ndaj Ukrainës më 24 shkurt të këtij viti, qeveria gjermane shpalli një plan gjithëpërfshirës dhe afatgjatë për të forcuar aftësinë e mbrojtjes ushtarake duke ndarë 100 miliardë euro për këtë objektiv. Schultz dhe një numër i politikanëve të tjerë gjermanë, kanë frikë se dërgimi i armëve të rënda në Ukrainë, mund të shihet si një përfshirje e drejtpërdrejtë në luftë dhe me pasoja të tmerrshme. Sipas Deutsche Welle, ministri i Jashtëm ukrainas Dmitry Kolba në një intervistë televizive i bëri thirrje kancelarit gjerman të njoftojë marrëveshjen e tij për dërgimin e armëve të rënda në vend sa më shpejt të jetë e mundur. Megjithatë, ministri gjerman i ekonomisë Robert Hobek kohët e fundit paralajmëroi se dorëzimi i dërgesave të armëve në Ukrainë do të zemëronte Rusinë dhe do ta përhapte luftën në Evropë dhe për këtë Gjermania nuk mund ta përmbushë këtë premtim. Gjermania, ekonomia më e madhe e Evropës, është më e varura nga burimet ruse të energjisë.