Këshilli i Sigurimit dënoi sulmet terroriste në Afganistan

Këshilli i Sigurimit të dielën në mëngjes dënoi sulmet terroriste në Afganistan dhe bëri thirrje që autorët të sillen para drejtësisë.

Sipas IRNA, Këshilli i Sigurimit në një deklaratë për shtyp tha: Ne dënojmë aktet e fundit të tmerrshme të terrorizmit kundër civilëve në Afganistan, duke përfshirë sulmin e 22 prillit në xhaminë Rumi Sekandar në Kunduz, i cili vrau më shumë se 25 njerëz dhe plagosi me dhjetëra të tjerë. Këshilli i Sigurimit gjithashtu dënoi sulmin e 28 prillit në dy minibusë në Mazar-e-Sharif, për të cilin përgjegjësinë e mori grupi terrorist ISIS. Këshilli i Sigurimit gjithashtu dënoi sulmin e 29 prillit në xhaminë Khalifa Sahib në Kabul, i cili raportohet se vrau të paktën 30 njerëz dhe plagosi shumë të tjerë, dhe bëri thirrje që autorët të sillen para drejtësisë. Këshilli i Sigurimit i OKB-së u bëri thirrje gjithashtu të gjitha vendeve që të bashkëpunojnë në mënyrë aktive me autoritetet përkatëse në përputhje me detyrimet e tyre sipas ligjit ndërkombëtar dhe rezolutat përkatëse të Këshillit të Sigurimit.