Zbulohet një tunel i trafikut të drogës në Shtetet e Bashkuara

Zyrtarët amerikanë njoftuan zbulimin e një tuneli gjashtëkatësh të trafikut të drogës nga Meksika në një zonë industriale në Shtetet e Bashkuara.

Sipas Associated Press, zyrtarët amerikanë thonë se 1,762 paund (rreth 800 kilogramë) kokainë dhe 165 paund (rreth 75 kilogram) metamfetamin u identifikuan gjatë zbulimit të një tuneli gjashtëkatësh në Tijuana të Meksikës dhe se gjithsej janë sekuestruar 3.5 paund (rreth 1.5 kg) heroinë. Sipas njoftimit, deri më tani janë arrestuar gjashtë persona me akuzën e shpërndarjes së drogës. Që nga viti 2006 në kufirin Kaliforni-Meksikë janë zbuluar rreth 15 tunele të trafikut të drogës. Administrata e SHBA për ndalimin e Drogës në vitin 2020 njoftoi zbulimin me bollëk të tuneleve në shtetet e Kalifornisë dhe Arizonës që ishin të lidhura me kartelin Sinaloa, një nga grupet e krimit të organizuar në Meksikë. Sipas statistikave zyrtare, më shumë se 100,000 amerikanë kanë humbur jetën nga përdorimi i drogës gjatë vitit të kaluar.