Putin: Rusia e gatshme të eksportojë grurë dhe plehra kimike

Presidenti rus Vladimir Putin i tha kryeministrit italian Mario Draghi se është gati të kontribuojë ndjeshëm në zgjidhjen e krizës ndërkombëtare të ushqimit,  por vetëm nëse Perëndimi heq sanksionet e tij.

Putin tha se Rusia ishte e gatshme të eksportonte grurë dhe plehra kimike për të trajtuar krizën. Ai i tha gjithashtu kryeministrit italian Draghi se Rusia ishte e gatshme të vazhdonte furnizimet e pandërprera të gazit në Itali. Më shumë se 50 vende varen nga Rusia dhe Ukraina për grurin e tyre. Ndërsa kriza e Ukrainës intensifikohet dhe vendet në mbarë botën përpiqen të gjejnë furnizues të ndryshëm, çmimet e shumë llojeve të ushqimeve po rriten. Rusia dhe Ukraina janë eksportuesit më të mëdhenj të grurit në botë.