Zelensky i frikësohet vrasjes nga shërbimet sekrete perëndimore

Ndërsa presidenti ukrainas Volodymyr Zelensky kishte pretenduar më parë se forcat ruse po kërkonin vrasjen e tij, tani thuhet se rreziku i vrasjes së Zelensky nga aleatët perëndimorë apo edhe ushtria ukrainase është më i lartë se sa nga rusët.

Sipas agjencisë së lajmeve Fars, Illia Kyva, një ish-deputet i parlamentit të Ukrainës, shkroi në një mesazh në faqet e tij në rrjetet sociale: "Zelensky urdhëroi dje të forconte sigurinë e tij personale nga frika se do të vritej nga ushtria ukrainase".

“Komanda e forcave të armatosura ukrainase është e pakënaqur me udhëheqjen joefektive të operacioneve ushtarake nga Zelensky, urdhrat e të cilit çojnë në humbjen e personelit dhe humbjen e forcave ukrainase në fushën e betejës”,- shtoi Kyva.

Sipas raportit, ish-politikani ukrainas theksoi: "Zelensky gjithashtu ka frikë se mos vritet nga shërbimet speciale të shteteve aleate të Ukrainës që filluan të flasin për disfatën dhe humbjen e Ukrainës".

"Shtetet perëndimore kanë arritur në përfundimin se është në interesin e tyre t'i japin fund konfliktit të armatosur në territorin e Bashkimit Sovjetik dhe se eliminimi fizik i Zelensky do të ishte mjeti më i shpejtë i një transformimi të tillë,-" ka shkruar Kyva.

“Sipas informacioneve, unë jam objektivi numër një i Rusisë dhe familja ime është objektivi numër dy i tyre”,- kishte deklaruar Zelensky në fillim të luftës midis Ukrainës dhe Rusisë.