OKB: Lufta në Ukrainë shtoi vuajtjet e miliona njerëzve

Ndikimet e valës së luftës në Ukrainë po përkeqësojnë vuajtjet e miliona njerëzve, përveç efekteve të epidemisë së Covid-19 dhe ndryshimeve klimatike, thuhet në një raport të Kombeve të Bashkuara.

Agjencia e lajmeve Associated Press njoftoi se lufta "ka përkeqësuar një krizë globale të shpenzimeve të jetesës, të paprecedentë në të paktën një brez." Dhe ajo minon arritjen e 16 qëllimeve të tjera për një botë më të mirë deri në vitin 2030.
Grupi, i emëruar nga sekretari i përgjithshëm i OKB-së, Antonio Guterres për të vlerësuar efektet e sulmit ushtarak të Rusisë ndaj Ukrainës të filluar më 24 shkurt, tha gjithashtu se 60 përqind e punëtorëve sot kishin të ardhura reale më të ulëta se përpara epidemisë dhe se 60 përqind e vendeve më të varfra janë në telashe të zhytjes në borxhe ose përballen me rrezik të lartë për t'u përfshirë në këtë krizë.
Sekretari i përgjithshëm i OKB-së paralajmëroi: "Njerëzit e cenueshëm dhe vendet e cenueshme kanë goditje dhe dëme të rënda deri më tani, por mos bëni gabim, asnjë vend apo komunitet nuk do të mbetet pa u prekur nga kjo krizë në fushën e shpenzimeve të jetës".
Sipas këtij raporti, rreth 180 milionë njerëz në 41 nga 53 vendet në të cilat ishin në dispozicion të dhënat, pritet që këtë vit të përballen me krizë ushqimore ose me kushte edhe më të këqija, ndërsa 19 milionë njerëz të tjerë pritet të përballen me kequshqyerje kronike deri në vitin 2023, në mbarë botën.
Lufta në Ukrainë ka hyrë në muajin e katërt dhe reagimet ndaj sulmit ushtarak të Rusisë dhe dërgimit të armëve në Ukrainë po vazhdojnë.
Rusia ka paralajmëruar se dërgimi i pajisjeve ushtarake amerikane dhe evropiane për Ukrainën mund të përshkallëzojnë konfliktin dhe të kenë pasoja të paparashikueshme.