Bashkimi Evropian ka konfiskuar 13 miliardë euro pasuri ruse

Deri më sot, Bashkimi Evropian ka ngrirë më shumë se 13 miliardë euro të aseteve të huaja ruse me pretekstin e luftës në Ukrainë.

Sipas Reuters, Komisioneri i Drejtësisë i Bashkimit Evropian Didier Reynders njoftoi se Bashkimi Evropian deri më tani ka konfiskuar 13.8 miliardë dollarë  të aseteve të oligarkëve rusë, individëve dhe subjekteve të tjera, të cilat janë në listën e sanksioneve për shkak të luftës në Ukrainë. Ky zyrtar i lartë gjyqësor i Bashkimit Evropian kujtoi se shumica e aseteve të sekuestruara të Rusisë, afro 12 miliardë euro, janë sekuestruar vetëm në 5 nga 27 shtetet anëtare të BE-së. Reinders u kërkoi vendeve të tjera anëtare të BE-së që të ndjekin këtë rrugë. Në një deklaratë në Republikën Çeke, Reinders shtoi se Bashkimi Evropian aktualisht ka 98 subjekte dhe gati 1,160 individë rusë në listën e sanksioneve. Ai theksoi se duhet të vazhdojmë t'i bindim vendet e tjera që të bëjnë të njëjtën gjë. Më herët gazeta angleze Guardian raportoi se autoritetet britanike po shqyrtojnë transferimin e pronave dhe aseteve të bllokuara ruse në këtë vend në Ukrainë. Thesari amerikan njoftoi së fundmi se brenda 100 ditëve të fundit, SHBA dhe aleatët e saj kanë sekuestruar 300 miliardë dollarë nga asetet e Bankës Qendrore Ruse dhe më shumë se 30 miliardë dollarë asete të individëve nën sanksione. Ministrja kanadeze e financave Chrystia Freeland të martën tha se parlamenti i vendit po shqyrton miratimin e një ligji që do të lejonte konfiskimin e aseteve të sanksionuara ruse. Ajo tha: Shpresojmë që legjislacioni për buxhetin të miratohet në ditët në vijim. Ajo shtoi se kjo çështje tashmë është diskutuar dhe negociuar me Shtetet e Bashkuara dhe vendet e tjera. Qeveria kanadeze pretendon se planifikon të sigurojë fonde për rindërtimin e Ukrainës përmes konfiskimit të pronës ruse.  Kanadaja ka sekuestruar pronat e më shumë se një mijë qytetarëve dhe organizatave ruse brenda vendit të saj. Ndërkohë, ministri i Jashtëm rus Lavrov e cilësoi si vjedhje përpjekjen e Bashkimit Evropian për të sekuestruar pronat e vendit dhe dorëzimin e tyre në Ukrainë. Gjithashtu, “Maria Zakharova”, zëdhënësja e Ministrisë së Jashtme ruse, duke kritikuar vendet që shoqërojnë sanksionet antiruse, tha se Rusia nuk ka hequr dorë nga përballja me këto vende. Zakharova, teksa njoftoi se veprimi i Perëndimit në konfiskimin e aseteve ruse është shkelje e ligjit ndërkombëtar, theksoi se nëse vendet perëndimore konfiskojnë pronat ruse, do të konsiderohet një sulm i paligjshëm dhe jomiqësor ndaj Moskës, gjë që i jep Rusisë të drejtën të marrë masa hakmarrëse.