Inflacion i paprecedentë në Perëndim

Norma e inflacionit në Amerikë dhe Evropë është rritur në mënyrë të paprecedentë. Sipas statistikave të fundit, shkalla e inflacionit në Amerikë është rritur shumë dhe ka arritur në 9.1%, që është shkalla më e lartë në katër dekadat e fundit.

Ndërkohë, çmimi i bukës është rritur aq shumë sa çmimi i çdo buke cilësore ka arritur në 10 dollarë e më shumë. Rritja e inflacionit në Amerikë u intensifikua me përhapjen e sëmundjes Covid-19 dhe zhvillimet politike të këtij vendi, por lufta midis Rusisë dhe Ukrainës dhe rritja e çmimit global të energjisë, veçanërisht naftës, rritja e ushqimeve dhe politikat e Bidenit shkaktuan një rritje të paprecedentë të çmimeve dhe inflacionit në Shtetet e Bashkuara dhe ka nxitur shqetësimet për një recesion të mundshëm në këtë vend. Tashmë qytetarët e këtij vendi kanë ulur në mënyrë drastike shpenzimet e panevojshme dhe kërkesa po shtohet vetëm në mallrat bazë. Sipas raportit të Nielsen EQ, nga fillimi i këtij viti deri në dy korrik blerja e bukës në dyqanet amerikane është ulur me 2.7% krahasuar me të njëjtën periudhë të vitit të kaluar. Inflacioni është kthyer në një krizë serioze jo vetëm në Amerikë, por edhe në Evropë. Shumë vende evropiane si Franca dhe Gjermania po përballen me inflacion të paprecedentë dhe kushte të rënda ekonomike. Indeksi i inflacionit në Evropë arriti një rekord të ri prej 8.6% në qershor, sipas të dhënave të Qendrës Statistikore të Eurostat. Indeksi i inflacionit në Britaninë e Madhe, e cila është larguar nga Bashkimi Evropian, ka arritur në 9.1%, që është e paprecedentë në gjysmë shekullin e fundit, kështu që Banka Qendrore Britanike ka paralajmëruar rrezikun e recesionit ekonomik në këtë vend. Ndërsa vendet perëndimore po përballen me inflacion të pakontrolluar dhe kushte të rënda ekonomike, politikat e tyre ndërhyrëse dhe armiqësore, veçanërisht në luftën midis Rusisë dhe Ukrainës, mbështetja e tyre politike dhe ushtarake për Ukrainën dhe përdorimi i politikave të tilla si sanksionet e rënda ekonomike kundër Rusisë, veçanërisht vendosja e sanksioneve në sektorin e energjisë, në fakt kanë bërë që ekonomia botërore të futet nën presion. Në fakt, me rritjen e çmimit të naftës dhe gazit në tregjet botërore, çmimi i karburantit është rritur në shumë vende perëndimore, gjë që në fakt ka shkaktuar rritje të kostos së mallrave dhe shërbimeve. Nga ana tjetër, me ndërprerjen e rrjedhës së gazit rus drejt Europës, zyrtarët e Kontinentit të Gjelbër tashmë janë të shqetësuar për dimrin e ftohtë në këtë kontinent, furnizimin me ushqime dhe rritjen e presioneve sociale. Statistikat e Organizatës Ndërkombëtare të Energjisë tregojnë se përkundër përpjekjeve të Perëndimit për të sanksionuar Rusinë dhe për të ulur të ardhurat e saj, Moska ka mundur të ruajë dhe madje t'i rrisë të ardhurat duke aplikuar politika të ndryshme. Megjithatë, vendet perëndimore kanë vazhduar politikat e tyre luftarake dhe e kanë kthyer Ukrainën në një fushë beteje kundër Rusisë. Në këtë kuadër, presidenti rus Vladimir Putin deklaroi se rritja e paprecedentë e inflacionit në mbarë botën është rezultat i politikave të papërgjegjshme të vendeve evropiane.