Kina do të dërgojë trupa në Rusi

Trupat kineze do të shkojnë në Rusi për stërvitje të mëdha të përbashkëta ushtarake mes tensioneve të rritura me Shtetet e Bashkuara mbi Tajvanin dhe Ukrainën.

Në një deklaratë të lëshuar të mërkurën, Ministria e Mbrojtjes e Kinës tha se pjesëmarrja e saj në stërvitje ishte pjesë e një marrëveshjeje bashkëpunimi me Rusinë. "Qëllimi është të thellohet bashkëpunimi praktik dhe miqësor me ushtritë e vendeve pjesëmarrëse, të rritet niveli i bashkëpunimit strategjik midis palëve pjesëmarrëse dhe të forcohet aftësia për t'iu përgjigjur kërcënimeve të ndryshme të sigurisë." Ministria kineze e Mbrojtjes tha se stërvitjet dhe pjesëmarrja e Kinës në to nuk kishin lidhje me situatën aktuale ndërkombëtare dhe rajonale. Nën presidentin Xi Jinping dhe homologun e tij rus Vladimir Putin, Pekini dhe Moska kanë rritur gjithnjë e më shumë marrëdhëniet mes tyre. Trupa nga India, Bjellorusia, Mongolia dhe Taxhikistani do të udhëtojnë gjithashtu në Rusi për të marrë pjesë në manovrat ushtarake, të cilat do të simulojnë zmbrapsjen e një force pushtuese. Muajin e kaluar, Moska njoftoi planet për të mbajtur stërvitjet "Vostok" (Lindje) nga 30 gushti deri më 5 shtator. Pekini dhe Moska kanë shpallur një partneritet “pa kufi” për të kundërshtuar dominimin perëndimor.