Evropa dhe intensifikimi i krizës ekonomike

Kushtet ekonomike në vendet evropiane janë përkeqësuar aq shumë sa inflacioni në Britaninë e Madhe ka arritur në 10% për herë të parë që nga viti 1982 dhe kryeministri i Suedisë ka folur për një ekonomi lufte.

Në vijim të politikave të Uashingtonit dhe në përgjigje të sulmit të Rusisë ndaj Ukrainës, vendet evropiane kanë vendosur sanksione të gjera ekonomike kundër Moskës me synimin për të ndihmuar Ukrainën dhe për të ushtruar presion ndaj Moskës, nga të cilat sanksionet në sektorin e energjisë janë ndër më të rëndësishmet. Këto vende gjithashtu kanë ndarë një pjesë të madhe të buxheteve të tyre për sigurimin e armëve dhe mbështetjen e luftës në Ukrainë. Zbatimi i këtyre politikave ka bërë që kushtet ekonomike në shumicën e vendeve evropiane të vështirësohen. Kushtet e ekonomisë globale, e cila është përballur me ulje të rritjes ekonomike dhe rritje të papunësisë dhe inflacionit pas dy viteve të epidemisë së sëmundjes Covid-19, me fillimi i luftës midis Rusisë dhe Ukrainës janë futur në krizë edhe më shumë gjatë gjashtë muajve të fundit.  Ndërsa vendet evropiane dhe amerikane prisnin të mposhtnin Rusinë në luftën në Ukrainë me politika sanksionesh, tani ato janë përfshirë nga pasojat e këtyre sanksioneve. Në një deklaratë duke kritikuar këto sanksione, Maria Zakharova, zëdhënësja e Ministrisë së Jashtme ruse, tha: “Bashkimi Evropian me këtë punë po e çon veten në një rrugë pa krye.  Pasojat fatkeqe të këtyre sanksioneve nga Bashkimi Evropian do të prekin shumë sektorë të ekonomisë dhe sigurisë globale dhe kjo çështje po bëhet e dukshme. “Varësia e Evropës nga gazi rus dhe minimizimi i eksportit të gazit në Evropë nga Rusia ka bërë që çmimi i karburantit në këto vende të rritet ndjeshëm. Çështja e furnizimit me gaz dhe ruajtjes së tij për sezonin e ftohtë është kthyer tashmë në një shqetësim serioz të autoriteteve evropiane. Siç tha kryeministri i Suedisë: Ky vend ka arritur një situatë si një ekonomi lufte në sektorin e energjisë sepse çmimi i energjisë elektrike dhe gazit në Suedi është rritur në një nivel të paprecedentë. Rritja e çmimit të energjisë ka shkaktuar tension edhe në vendet e tjera evropiane, ndërsa autoritetet evropiane kanë paralajmëruar fillimin e protestave sociale. Natyrisht, autoritetet evropiane po përpiqen të marrin gazin që u nevojitet nga vendet e tjera. Gjithashtu, në rendin e ditës është rihapja e termocentraleve të vjetra që punojnë me naftë dhe produkte qymyri; Por këto masa nuk kanë qenë të suksesshme deri më tani. Kjo situatë e ka vënë ekonominë evropiane në prag të krizës dhe sidomos  ekonominë e Gjermanisë që është shteti më i fortë në Evropë. Norma e inflacionit në vendet e tjera evropiane si Franca dhe Spanja ka arritur nivelin më të lartë të viteve të fundit. Në këtë drejtim, banka qendrore britanike ka parashikuar se ekonomia e vendit do të hyjë në recesion në tremujorin e fundit të këtij viti dhe se ky recesion do të vazhdojë gjatë gjithë vitit 2023. Që nga rritja e kostove të energjisë dhe rritja e çmimeve të ushqimeve në Britaninë e Madhe, miliona qytetarë të këtij vendi kanë ulur vaktet e tyre. Ata shqetësohen për jetesën, kostot e karburantit dhe qiranë. Situata për njerëzit është bërë e padurueshme.