Charles III merr fronin e Britanisë në moshën 73-vjeçare

Mbretërimi 70-vjeçar i monarkes britanike Elisabeth II përfundoi në 8 shtator, ditë kur në të cilin fillon mbretërimi i djalit të madh të saj.

Mbreti i ri do të njihet  zyrtarisht si Mbreti Charles III. Për mbretin e ri ky është një moment ku emocionet janë në kontraditë më njëra-tjetrën, nga njëra anë ai humbi nënën e tij, dhe nga ana tjetër ky është momenti kur më në fund ai arrin fatin e tij. Mbreti i ri është trashëgimtari më i vjetër dhe më jetëgjatë në historinë britanike. Ai do të jetë personi më i vjetër, në moshën 73-vjeçare, që do të bëhet Mbret në historinë britanike. Charles bëhet trashëgimtari i fronit në një situatë ku emri i tij është i lidhur me skandale të shumta. Për shembull, vetëm muajin e kaluar, gazeta The Times raportoi se Princi Charles, mbreti i ardhshëm i Anglisë, mori një dhuratë një milion paund nga të afërmit e Osama bin Ladenit, ish-udhëheqësit të grupit terrorist Al-Kaeda. Kjo gazetë britanike shkruante se Princi Charles e ka marrë personalisht këtë shumë nga Bakr bin Laden dhe vëllai i tij, të dy gjysmë vëllezër të liderit të Al-Kaedës dhe organizatorit të sulmeve të 11 shtatorit. Gjithashtu, gazeta “Sunday Times” ka publikuar së fundmi një raport se Princi Charles ka marrë tre pako me para nga Sheikh Hamad Bin Jassim Al Thani, ish-kryeministri i Katarit. Zyra e Charles pretendoi se paratë iu dhanë princit si donacione bamirësie. Këto tre pako me para arritën në total tre milionë euro dhe i biri i mbretëreshës i mori në periudhën 2011-2015. Jeta personale e Charles dhe martesa e tij me Princeshën Diana, Princesha e Uellsit, u përfshinë gjithashtu në shumë skandale. Diana dhe Charles njoftuan fejesën e tyre me njëri-tjetrin në vitin 1981, por martesa ishte jetëshkurtër dhe ata u ndanë në 1992. Ai gjithashtu shkaktoi zemërimin e shumë njerëzve me divorcin e tij të bujshëm nga princesha shumë e dashur Diana dhe duke shtrënguar rregullat që ndalojnë anëtarët e familjes mbretërore të ndërhyjnë në çështjet publike, duke u futur në debate për çështje të tilla si mbrojtja e mjedisit dhe ruajtja e arkitekturës. Gjatë kësaj kohe, Charles filloi lidhjen e tij me Camilla Parker dhe më vonë pranoi se ai kishte një marrëdhënie romantike me Camilla. Diana më në fund u vra në një aksident të dyshimtë me makinë në gusht 1997. Princi Charles mori fronin nga nëna e tij sot, ndërsa këto skandale hedhin një hije mbi mbretërimin e tij. Por mbreti i ri nuk është i vetmi që përballet me ndryshim titulli. Edhe pse ai është trashëgimtar i fronit, Princi William nuk do të bëhet automatikisht Princi i Uellsit. Megjithatë, ai trashëgon menjëherë titullin tjetër të babait të tij, Duka i Cornwall-it.  U deshën vite që shumë në Britani të falnin Charles për tradhtinë e tij ndaj Dianës përpara se “princesha e popullit” të vdiste në një aksident automobilistik në Paris në 1997. Çifti pati fëmijë bashkë, Harryn dhe William. Por humori publik u zbut pasi ai u martua me Camilla Parker Bowles në 2005 dhe ajo u bë Dukesha e Cornwall. Ajo e ndihmoi Çarlsin të buzëqeshte më shumë në publik dhe të përmirësonte imazhin e tij.