Guterres thekson hapjen e shkollave për vajza në Afganistan

Sekretari i përgjithshëm i OKB dhe zyra përfaqësuese e kësaj organizate në Afganistan kanë theksuar rihapjen e shkollave për vajza në këtë vend.

Agjencia e lajmeve IRIB njoftoi se Antonio Guterres, sekretari i përgjithshëm i Organizatës së Kombeve të Bashkuara, të dielën, me rastin e njëvjetorit të mbylljes së shkollave të vajzave në Afganistan, në një mesazh përmes Twitterit. deklaroi se njohuritë dhe mundësitë e humbura përgjatë një viti nuk mund të kompensohen kurrë dhe se grupi Taleban duhet të kthejë vajzat afgane nëpër shkollat e tyre.
Më herët, Antonio Guterres u kërkoi talebanëve që të rihapin menjëherë shkollat ​​për të gjithë nxënësit në Afganistan.
Sipas sekretarit të përgjithshëm të Organizatës së Kombeve të Bashkuara, mohimi i arsimit jo vetëm që shkel të drejtat e barabarta të grave dhe vajzave në arsim në Afganistan, por rrezikon edhe të ardhmen e këtij vendi.
Marcus Potzel, shefi i zyrës përfaqësuese të Kombeve të Bashkuara në Afganistan, këtë të diele në një mesazh me rastin e njëvjetorit të mbylljes së shkollave të vajzave në këtë vend, deklaroi se përjashtimi i vajzave nga arsimi në Afganistan nuk ka kurrfarë justifikimi të vlefshëm dhe një gjë e tillë nuk ka ndodhur askund në botë.
Duke kritikuar moszbatimin e premtimit të grupit Taleban për krimin e kushteve për vajzat afgane që të kthehen në shkolla, Marks Potzel shtoi se një milion vajza afgane kanë ndërprerë studimet vitin e fundit.
Shefi i zyrës përfaqësuese të Kombeve të Bashkuara në Afganistan paralajmëroi edhe një herë duke kërkuar nga grupi Taleban që të sigurojë arsim për vajzat e shkollave të mesme në këtë vend, mohimi i vajzave nga arsimimi çon në pasiguri, varfëri dhe izolim në Afganistan.