Biseda mes Lavrov dhe Grossit për termocentralin Zaporizhia.

Ministri i Jashtëm rus Sergei Lavrov dhe drejtori i përgjithshëm i Agjencisë Ndërkombëtare të Energjisë Atomike Rafael Grossi u takuan të mërkurën në margjinat e Asamblesë së Përgjithshme të Kombeve të Bashkuara në Nju Jork dhe diskutuan situatën e termocentralit bërthamor Zaporizhia të Ukrainës.

Sipas IRNA, në këtë takim, Lavrov dhe Grossi diskutuan për sigurinë e objekteve bërthamore në Ukrainë, duke përfshirë gjendjen e mjedisit rreth termocentralit bërthamor Zaporizhia. Lavrov, në takimin e tij me Grossin, theksoi edhe një herë synimin e Moskës për të vazhduar bashkëpunimin e ngushtë me Agjencinë Ndërkombëtare të Energjisë Atomike në mënyrë që të detyrojë Kievin të ndalojë menjëherë granatimet e termocentralit bërthamor Zaporizhia. Zaporizhia është termocentrali më i madh bërthamor në Evropë. Ky termocentral u kap nga forcat ruse gjatë sulmit rus në Ukrainë. Zonat përreth termocentralit bërthamor të Ukrainës janë granatuar disa herë gjatë javëve të fundit, por Moska dhe Kievi nuk marrin përgjegjësinë për këtë bombardim dhe secila e shpall palën tjetër përgjegjëse për sulmet. Ekspertët ushtarakë kanë paralajmëruar tashmë për mundësinë e një aksidenti të ngjashëm me Çernobilin për termocentralin bërthamor të Zaporizhia, i cili aktualisht është skena e konfliktit midis dy palëve të luftës në Ukrainë.