Amerika arrin të nxjerrë një vaksinë efektive për linë e majmunëve

Qendrat Amerikane për Kontrollin dhe Parandalimin e Sëmundjeve njoftuan se vaksina e prodhuar kundër lisë së majmunit (Jynneos) është shumë efektive dhe mbron njerëzit dy javë pas dozës së parë.

Sipas AFP, një analizë paraprake e kryer nga Qendrat Amerikane për Kontrollin dhe Parandalimin e Sëmundjeve tregon se midis 31 korrikut dhe 3 shtatorit, njerëzit që nuk ishin vaksinuar kishin 14 herë më shumë gjasa të prekeshin nga lija sesa njerëzit që ishin vaksinuar. Drejtoresha e Qendrës Amerikane për Kontrollin dhe Parandalimin e Sëmundjeve Rochelle Walensky gazetarëve u tha: "Ne rekomandojmë që njerëzit të marrin dy doza të vaksinës (Jynneos) 28 ditë larg njëri-tjetrit për të siguruar imunitet të qëndrueshëm kundër lisë së majmunëve". Shtetet e Bashkuara kanë regjistruar deri më tani më shumë se 25,000 raste të shpërthimit të virusit të lisë së majmunit që filloi në maj të këtij viti, duke prekur kryesisht meshkujt homoseksualë. Më shumë se 66,000 raste të lisë së majmunëve janë identifikuar në mbarë botën, me tendencë në rënie që nga gushti.