Tërheqja e forcave ruse nga qyteti Liman, Ukrainë

Ministria e Mbrojtjes e Rusisë njoftoi tërheqjen e forcave të këtij vendi dhe ushtarakëve të Donbasit nga pozicionet e tyre të mbrojtjes në qytetin Liman të Ukrainës.

Rusia thuhet se e humbi qytetin e Liman në Donetsk. Sipas agjencisë së lajmeve IRNA, Ukraina tha se forcat ruse po tërhiqen nga qyteti Liman në rajonin Donetsk në Ukrainën lindore.  Ministria ruse e Mbrojtjes konfirmoi gjithashtu të shtunën se forcat e saj ishin tërhequr nga Limani, një qytet strategjik në Ukrainën lindore, vetëm një ditë pasi rajoni u aneksua nga Rusia. Media shtetërore “Russia 24” gjithashtu raportoi se arsyeja e tërheqjes së Rusisë ishte për shkak se “armiku përdorte artileri të prodhimit perëndimor dhe informacione nga vendet e Aleancës Veriatlantike”. Tërheqja është arritja më e rëndësishme e Ukrainës që nga kundërsulmi i saj i suksesshëm i muajit të kaluar në rajonin verilindor të Kharkivit. Sergey Heidi, kreu i administratës ushtarake ukrainase të rajonit të Luhansk, gjithashtu zbuloi më shumë detaje të sulmit në Liman, duke treguar se forcat ruse ofruan një tërheqje reciproke, por ajo nuk u pranua nga pala ukrainase. Ai në një konferencë për shtyp tha: Çlirimi i Limanit është i rëndësishëm, sepse është një hap tjetër drejt çlirimit të Donbasit të Ukrainës.